جنوبی کشمیر کے ضلع پلوامہ کے ترال علاقے میں آج کورونا وائرس سے نمٹنے کے لئے ویکسینیشن کا عمل شروع کیا گیا ہے۔ ابتدا میں شعبہ صحت سے وابسطہ افراد کو ویکسین دی گئی۔
عالمی وبا کورونا وائرس سے نجات پانے کے لیے سرکاری سطح پر پورے ملک میں ٹیکہ کاری کا سلسلہ جاری ہے۔
اس دوران سب ڈسٹرکٹ اسپتال ترال میں ایک تقریب کا اہتمام کیا گیا۔ جہاں بی ایم او ترال ڈاکٹر بشیر احمد ملک کو پہلا ٹیکہ لگا کر اس عمل کا افتتاح کیا گیا۔ جس کے بعد ڈاکٹروں اور پیرا میڈیکل اسٹاف کو بھی ٹیکہ لگایا گیا۔
یہ بھی پڑھیے
راجستھان میں دو کشمیری نوجوان لاپتہ
میڈیا سے گفتگو کرتے ہوئے بی ایم او ترال ڈاکٹر بشیر احمد ملک نے بتایا 'کورونا وائرس سے نمٹنے کے لئے اس ویکسین کو لگانے کی اشد ضرورت ہے۔ یہ ویکسین بالکل محفوظ ہے۔ جسکو ملک کے بڑے ڈاکٹروں نے خود لگوایا ہے۔ میری عوام سے اپیل ہے کی کہ وہ افواہوں پر کان نہ دھریں'۔
