جموں و کشمیر ہائی کورٹ نے وکلا کو کووڈ ویکسین لگوانے کی ہدایت جاری کرتے ہوئے کہا کہ 18 سے 44 برس کی عمر کے وکلا کو قائم کر دہ سنٹروں و طبی مراکز میں ویکسینیشن کروائی جائے۔
پرنسپل ڈسٹرکٹ اینڈ سیشن جج جموں کی جانب سے جاری کردہ ایک حکم نامے میں کہا گیا ہے کہ سیکرٹری لا جموں و کشمیر اور ڈائر یکٹر لیٹگیشن جموں کی جانب سے 18 سے 45 برس تک کے وکلا کے لئے ہیلتھ سنٹر جموں و کشمیر ہائی کورٹ کمپلیکس جموں میں 25 اور 26 مئی کو ویکسی نیشن مہم شروع کی جا رہی ہے۔ انہوں نے وکلا سے کہا کہ وہ اس عمل کا فائدہ اٹھا کر ویکسینیشن کروائیں۔
اسی طرح ہائی کورٹ انتظامیہ کی جانب سے جاری کردہ ایک حکم نامے میں کہا گیا ہے کہ ڈسٹر کٹ کورٹ کمپلیکس ممونین آباد، بٹ مالو اور سرینگر میں 25 مئی کو ویکسینیشن مہم شروع کی جا رہی ہے جبکہ وکلا سے کہا گیا ہے کہ وہ اپنے ادھار کارڈ ساتھ لے کر مذکورہ مراکز پر آئیں تاکہ ان کی رجسٹریشن کے ساتھ ساتھ ان کو ویکسین بھی دی جائے۔
