جموں و کشمیر کے ڈوڈہ کے گاوں میں کورونا وائرس سے مقابلے کے لئے عوام میں سرپنچ کلشڑی بھدرواہ ساجد میر کی جانب سے یک روزہ بیداری مہم چلائی گئی۔
ساجد میر نے کورونا کے ابتدائی دور سے ہی فوج کی 4 راشٹریہ رائفل بٹالین کے اشتراک سے عوام کو بیدار کرنے میں کوئی کسر باقی نہیں چھوڑی ہے۔
انہوں نے گھر گھر جاکر لوگوں کو کورونا سے متعلق احتیاطی تدابیر پر عمل کرنے کی تلقین کی، جو تاحال جاری ہے۔ سرپنچ نے پنچایت کلشڑی کے محلقہ علاقوں میں کورونا وائرس کے پھیلاؤ اور اس کے روک تھام سے متعلق عوام کو آگاہ کیا گیا۔
اُنہوں نے لوگوں کو بتایا کہ پوری دنیا اس وقت ایک وبا سے لڑ رہی ہے اس لئے ہر فرد پر یہ ذمہ داری عائد ہوتی ہے کہ وہ خود کی حفاظت کرے۔
اس موقع پر علاقہ کے ڈھائی سو افراد کے درمیان تقریبا 6 سو ماسک اور سینیٹائزر تقسیم کیے گئے۔
عوام نے سرپنچ اور فوج کا اس وبا کے دوران عوام کی خیر سگالی اور ماسک و سنیٹائزر فراہم کرنے پر شکریہ ادا کیا۔
