یوم انسداد دہشت گردیکے موقع پر پولیس عہدیدار اور اہلکاروں نے ہر قسم کی دہشت گردی اور تشدد کی کو ختم کرنے کا عہد کیا۔ اس ضمن میں ڈی پی ایل بڈگام میں مرکزی تقریب کا اہتمام کیا گیا جس میں ایس ایس پی طاہر سلیم خان نے پولیس افسران اور جوانوں کو عہد دلایا۔
ایسی ہی ایک اور تقریب میں اے ڈی سی بڈگام ڈاکٹر ناصر احمد نے یوم انسداد دہشت گردی کے موقع پر پولیس ملازمین کو عہد دلایا۔ نیو کانفرنس ہال ڈی سی آفس کامپلکس میں منعقد ہوئے پروگرام میں پولیس اہلکاروں کی بڑی تعداد نے شرکت کی۔
پولیس ملازمین نے ہر قسم کی دہشت گردی اور تشدد کی مخالفت کرنے اور عوام کے درمیان امن و ہم آہنگی کو فروغ دینے کا عہد لیا۔
ہر سال 21 مئی کو یوم انسداد دہشت گردی کے طور پر منایا جاتا ہے کیونکہ 1991 کو اسی دن سابق وزیراعظم راجیو گاندھی کو قتل کیا گیا تھا۔
