وسطی کشمیر کے ضلع بڈگام میں آج پولیس نے کالعدم تنظیم لشکر طیبہ کے دو معاونین کو گرفتار کرنے LeT Associates Arrested in Magam کا دعویٰ کیا ہے۔
پولیس ذرائع نے بتایا کہ ایک مصدقہ اطلاع ملنے پر فوج کی دو راشٹریہ رائفلز اور 79 بٹالین سی آر پی ایف کے ہمراہ بڈگام پولیس Budgam Police نے ماگام علاقے سے آج دو لشکر طیبہ کے معاونین کو گرفتار کیا ہے۔
پولیس نے ان کی شناخت محمد شفیع گنائی ولد عبدالرحمان گنائی ساکن کاوسہ خالصہ اور ظہور احمد چوپان ولد علی محمد چوپان ساکن ماموسہ پٹن کے طور پر کی ہے۔
یہ بھی پڑھیں: Khurram Parvez Custody Extended: خرم پرویز کی عدالتی تحویل میں 21 جنوری تک توسیع
پولیس کے مطابق ابتدائی تحقیقات سے پتہ چلا ہے کہ گرفتار شدہ شخص عسکریت پسندوں کے معاون ہیں اور وہ کالعدم تنظیم لشکر طیبہ کے کمانڈرز کے رابطے میں ہیں اور وہ ان کے نقل و حمل میں مدد کرتے ہیں۔ یہ افراد کمانڈرز کو کاوسہ، راضوین ،رٹھسن، مازہامہ، پنجورہ، کنزر اور معموسہ وغیرہ علاقوں میں ان کی ہر ممکن مدد فراہم کرتے ہیں۔
اس ضمن میں پولیس اسٹیشن کھاگ میں ایک ایف آئی آر پہلے ہی درج کی جاچکی ہے اور مزید تحقیقات کی جارہی ہے۔
