ہلاک ہونے والے کی شناخت فدا حسین ڈار ساکن یایل روالپورہ کے بطور ہوئی ہے۔
ذرائع کے مطابق قصبہ بڈگام میں بی ایس این ایل کا لائن مین فدا حیسن ڈار ضلع کورٹ سے متصل ایک کھمبے پر لائن کی مرمت میں مصروف تھا کہ اسی دوران وہ کھمبے سے نیچے گر گیا جس کے نتیجے میں وہ شدید زخمی ہوا۔
فدا حسین کو اس کے ساتھیوں نے فورا علاج کے لئے ضلع ہسپتال منتقل کیا جہاں سے اس کو شیر کشمیر انسٹی ٹیوٹ آف میڈیکل سائنسز صورہ ریفر کیا گیا لیکن ان کی راستے ہی میں موت ہوگئی۔
بی ایس این ایل آفس بڈگام کے ملازمین نے فدا حسین کی موت پر گہرے صدمے کا اظہار کرتے ہوئے پسماندگان کے ساتھ اظہار ہمدردی کی ہے۔
ایک عہدیدار نے بتایا کہ 'فدا حیسن انتہائی شریف النفس، ملنسار اور محنتی ملازم تھے اور اپنا کام ہمیشہ دیانت داری اور محنت ولگن سے انجام دیتے تھے۔'
