وسیم باری اور ان کے اہل خانہ کی پہلی برسی پر بی جے پی کا خراج عقیدت

جموں و کشمیر کی گرمائی دارالحکومت سرینگر میں آج بھارتیہ جنتا پارٹی کی جانب سے وسیم باری، ان کے والد اور بھائی کو پہلی برسی پر انہیں خراج عقیدت پیش کیا گیا

جموں و کشمیر کے گرمائی دارالحکومت سرینگر میں آج بھارتیہ جنتا پارٹی کی جانب سے وسیم باری، ان کے والد اور بھائی کو پہلی برسی پر خراج عقیدت پیش کیا گیا۔

اس سلسلے میں جواہر نگر سرینگر میں ان کی یاد میں ایک تقریب کا انعقاد کیا گیا۔ اس میں ہارٹیکلچر سے وابستہ کارکناں کے علاوہ متعدد رہنماوں نے وسیم باری اور ان کے والد اور بھائی کی تصویر پر گل پوشی کی۔

اس دوران بھارتیہ جنتا پارٹی کشمیر کے میڈیا انچارج منظور بٹ نے میڈیا سے بات کرتے ہوئے کہا کہ وقت بدل چکا ہے۔ اب کشمیر کے عوام تشدد سے تنگ آچکے ہیں اور لوگ وزیر اعظم نریندر مودی پر اعتماد کر رہے ہیں۔

واضح رہے کہ گذشتہ سال آج ہی کے دن وسیم باری اور ان کے والد اور بھائی کو عسکریت پسندوں نے ایک دوکان میں گولی مار کر ہلاک کیا تھا