Aru Valley in Pahalgam وادی آڑو سیاحوں کا پسندیدہ مقام

سیاحوں نے کہا کہ وہ گذشتہ کئی روز سے یہاں کے سیاحتی مقامات کی سیر کر چکے ہیں، تاہم پہلگام کی آڑو وادی انہیں سب سے اچھی لگی، بلند اور سر سبز پہاڑیوں کے درمیان واقع اس جگہ کی سیرو تفریح سے انہیں کافی مزہ آیا۔ اپنے جسم و ذہن کو ترو تازہ کرنے کے لیے وادی آڑو بہترین جگہ ہے۔ ARU VALLEY IN KASHMIR

جموں و کشمیر کا عالمی شہرت یافتہ سیاحتی مقام پہلگام ہمیشہ ملکی و غیر ملکی سیاحوں کی پسندیدہ جگہ رہی ہے۔ سیاح پہلگام کے مختلف مقامات کا سیر کرتے ہیں۔ ARU VALLEY IN KASHMIR

آڑو وادی ضلع اننت ناگ کے معروف سیاحتی مقام پہلگام کے منفرد مقامات میں سے ایک ہے، جو صدر مقام پہلگام سے تقریبا 12کلو میٹر کی دوری پر واقع ہے۔ وادی آڑو کی خوبصورتی سے لطف اندوز ہونے کے لئے ملک و بیرونی ممالک سے سیاحوں کی ایک بڑی تعداد یہاں پہنچتی ہے۔

ای ٹی وی بھارت سے بات کرتے ہوئے سیاحوں نے کہا کہ وہ گزشتہ کئی روز سے یہاں کے سیاحتی مقامات کی سیر کر چکے ہیں، تاہم پہلگام کی آڑو وادی انہیں سب سے اچھی لگی ،بلند اور سر سبز پہاڑیوں کے درمیان واقع اس جگہ کی سیرو تفریح سے انہیں کافی مزہ آیا۔اپنے جسم و ذہن کو ترو تازہ کرنے کے لئے وادی آڑو جیسی اور کوئی موزوں جگہ نہیں۔سیاحوں نے مزید کہا کہ وادئی آڑو خوبصورتی سے بھرپور ہے، تاہم اس خوبصورت جگہ پر مزید توجہ دینے کی ضرورت ہے،تاکہ یہاں کی جانب زیادہ سے زیادہ سیاح آسکیں، جس سے مقامی لوگوں کے لئے روزگار کے وسائل کھل جائیں۔مقامی لوگ سیاحوں کی آمد سے کافی خوش نظر آرہے ہیں، ان کا کہنا ہے کہ کووڈ19 لاک ڈاون کے سبب ان کا روزگار کافی متاثر ہوا تھا، تاہم حالات دوبارہ پٹری پر لوٹنے کے بعد آہستہ آہستہ سیاحوں کی آمد میں اضافہ ہوا ہے،جس کے بعد انہوں نے راحت کی سانس لی۔

مزید پڑھیں:Advisory issued for Yatris: پہلگام اور سونمرگ میں یاتریوں کے لیے ایڈوائزری جاری

انہوں نے کہا کہ سیاحتی سرگرمیاں دوبارہ شروع ہونے کے بعد ان کی امیدیں بڑھ گئیں اور وہ گزشتہ نقصانات کے بھرپائی کی امید کر رہے ہیں،تاہم حکام کی جانب سے آڑو وادی کی جانب خاص توجہ نہیں دی جا رہی ہے، انہوں نے یہاں کی سڑکیں خستہ ہو چکی ہیں، وہیں ڈرینیج نظام ناکارہ ہے، اور جگہ جگہ گندگی پائی جا رہی ہے، جس سے اس حسین جگہ کی خوبصورتی پر اثر پڑا ہے، انہوں نے حکام سے آڑو ویلی کی جانب توجہ مبذول کرنے کی اپیل کی۔