وادی کے دیگر علاقوں کی طرح ضلع پلوامہ کے اونتی پورہ میں یوم آزادی کی تقریب منعقد ہوئی جہاں میونسپل کمیٹی اونتی پورہ کے چیئرمین بلال احمد بٹ نے قومی ترنگا لہرایا اور مارچ پاسٹ پر سلامی لی۔ مارچ پاسٹ میں پولیس، سی ار پی ایف، ہوم گارڈز، ایس پی اوز اور ہیلتھ محکمے کے چاق و چوبند دستوں نے شمولیت کی۔
پریڈ کے قیادت ایس ڈی پی او ترال ڈاکٹر اعجاز ملک کر رہے تھے جبکہ ایڈیشنل ڈپٹی کمشنر اونتی پورہ ظفر شال، ایس ایس پی اونتی پورہ محمد یوسف اور دیگر پولیس و سیول عہدیدار بھی موجود تھے۔
پروگرام میں تمدنی پروگرام بھی پیش کیے گئے جبکہ آخر میں انعامی تقریب منعقد کی گئی جس میں کئی لوگوں کو انعامات سے نوازا گیا۔ ای ٹی وی بھارت کے نمائیندے شبیر بٹ کو بھی عوامی مسائل اجاگر کرنے میں نمایاں کردار ادا کرنے پر انعام سے نوازا گیا۔
ادھر سب ضلع ترال میں بھی یوم آزادی کی تقریب آج ترال کے پولیس اسٹیشن میں بھی منعقد ہوئی، جس میں میونسپل کمیٹی ترال کے صدر منظور احمد خان نے قومی پرچم لہرایا، اور مارچ پوسٹ پر سلامی لی۔ تقریب میں اے ڈی سی ترال شبیر احمد رینا، ایگریکٹو افیسر میونسپل کمیٹی ترال منظور احمد، سیکرٹری نزیر احمد ملک سمیت دیگر عہدیدار بھی موجود رہے۔
یہ بھی پڑھیں: جموں وکشمیر میں جنگل راج کا خاتمہ ہوا: لیفٹیننٹ گورنر منوج سنہا
اس سلسلے میں ملازمین کے علاوہ مقامی لوگوں نے بھی تقریب میں شرکت کی۔ پروگرام کے اختتام پر کئی افسران کو ایوارڈ سے نوازا گیا۔
یوم آزادی کی تقریبات دیگر سرکاری اداروں میں بھی منعقد کی گئی تاہم ناسازگار موسمی صورتحال کی وجہ سے تقریبات کو مختصر کیا گیا۔
