جموں وکشمیر کے لیفٹیننٹ گورنر منوج سنہا کے مشیر بصیر احمد خان نے آج وسطی کشمیر کے ضلع گاندربل کا دورہ کیا جہاں انہوں نے جاری کاموں کا جائزہ لیا ہے۔
ان کے ہمراہ ڈپٹی کمشنر گاندربل کرتیکا جوسینا، چیف انجینیئر آر اینڈ بی، ایگزیکٹیو انجینئرز، اے ای ای اور دیگر افسران بھی موجود تھے۔
چیف انجینئر آر اینڈ کے مطابق اس پروجیکٹ میں 12 ٹاورز شامل ہیں جن میں 192 فلیٹس ہیں جن کے کل پلاٹ کا رقبہ 30 کنال ہے۔
مشیر کو بتایا گیا کہ آر سی سی کا ڈھانچہ تمام اپارٹمنٹس میں مکمل ہوچکا ہے اس کے علاوہ سٹرکچرل سٹیل ٹرس بھی دو بلاکس میں مکمل ہوچکا ہے اور فریموں میں اینٹوں کا کام جاری ہے۔
مزید پڑھیں:ایل جی کے مشیر بصیر احمد خان کا سوپور کا دورہ
بصیر احمد خان نے تمام متعلقہ کاموں کے لیے سائٹ لے آؤٹ پلان کا جائزہ لیا۔ مشیر نے ان کاموں کا جلد ڈی پی آر جمع کرانے کے لیے موقع پر ہدایات دیں اور چیف انجینئر سے کام کی رفتار کو تیز کرنے کی تلقین کی تاکہ یہ منصوبہ پہلے سے طے شدہ وقت کے اندر مکمل ہوجائے۔
مشیر نے ضلع میں محکمہ دیہی ترقی کی طرف سے کئے گئے مختلف ترقیاتی کاموں کا بھی معائنہ کیا۔
