کنگن گاندربل میں سڑک حادثہ، 6 افراد زخمی

وسطی کشمیر کے ضلع گاندربل کے کنگن علاقہ میں سڑک حادثے میں چھ افراد زخمی ہوئے، جن میں دو بھائی شامل ہیں۔

کنگن کے علاقہ مدپورہ کلن گنڈ علاقہ میں دو گاڑیوں کی آپسی ٹکر میں چھ افراد زخمی ہوگئے۔ چار شدید زخمیوں کو اسکمز صورہ منتقل کر دیا گیا۔

عینی شاہدین کے مطابق انیوا گاڑی ( JKO07 4407) کی ٹکر مخالف سمت سے آرہی الٹو گاڑی (JKO1T 4288) سے ہوئی، جس کے نتیجے میں چھ افراد زخمی ہوگئے۔
مزید پڑھیں:پالیتھین فری سرینگر بنانے کا خواب کیا واقعی شرمندہ تعبیر ہوگا

زخمیوں کی پہچان کلثمہ بانو، امتیاز احمد اور شاہد احمد کے طور پر ہوئی جو کہ راموری گاندربل کے رہائش پذیر ہیں جبکہ روزی جان، عادل احمد اور طارق احمد ساکنان ریزن کے طور پر ہوئی ہے۔
زخمیوں کو میڈیکل انسٹیچوٹ صورہ منتقل کر دیا گیا۔ پولیس نے معاملہ کی نسبت کیس درج کرکے تحقیقات شروع کردی ہے۔