سرینگر: فوجی نے مبینہ طور پر خود کشی کی

ایک سینئر پولیس آفیسر نے بتایا کہ ہریانہ کے رہنے والے سپاہی جے سنگھ نے اتنا بڑا قدم کیوں اٹھایا، اس کا ابھی پتہ نہیں چلا ہے۔ تاہم معاملہ درج کر لیا گیا ہے اور مزید تحقیقات جاری ہیں۔

مرکز کے زیر انتظام جموں و کشمیر کی گرمائی دار الحکومت سرینگر میں ہفتے کے روز ایک فوجی نے مبینہ طور پر خودکشی کر لی ہے۔

ایک سینئر پولیس آفیسر نے ای ٹی وی بھارت کو بتایا کہ "ہریانہ کے رہنے والے سپاہی جے سنگھ نے آج اپنے کمرے میں چھت سے لٹک کر خودکشی کر لی۔ وہ سرینگر میں واقع ایئرفورس اسٹیشن میں تعینات تھے۔"

اُن کا مزید کہنا تھا کہ "سنگھ نے اتنا بڑا قدم کیوں اٹھایا اس کا ابھی پتہ نہیں چلا ہے۔ تاہم معاملہ درج کر لیا گیا ہے اور مزید تحقیقات جاری ہیں۔