جنوبی کشمیر کے ضلع شوپیاں کے ہیف شرمال علاقے میں سیکورٹی فورسز اور عسکریت پسندوں کے درمیان گزشتہ روز شروع ہوئی تصادم آرائی میں ایک مقامی عسکریت پسند ہلاک ہوا ہے۔One militant was killed in the encounter
پولیس کے مطابق سیکورٹی فورسز نے مصدقہ اطلاع موصول ہونے کے بعد پیر کی روز دوپہر ایک بجے شوپیاں کے ہیف شرمال علاقے کو محاصرے میں لے کر عسکریت پسندوں کی تلاشی مہم شروع کی تھی۔
انہوں نے کہا کہ سکیورٹی فورسیز جیسے ہی ایک مکان میں داخل ہونے کی کوشش کررہے تھے کہ مکان کے اندر موجود عسکریت پسندوں نے اندھا دھند فائرنگ شروع کی، جس وجہ سے ایک فوجی اہلکار کو چوٹیں آئی۔ سیکورٹی فورسز نے جوابی کارروائی میں رہائشی مکان کے اندر موجود ایک عسکریت پسند کو ہلاک کردیا۔ دیر رات عسکریت پسند کی ہلاکت کے بعد تلاشی آپریشن کو جاری رکھا گیا اور آج صبح عسکریت پسند کی لاش برآمد کی گئی، اس کے ساتھ ہی تلاشی آپریشن ختم کردیا گیا ۔
مزید پڑھیں:Encounter in Anantnag اننت ناگ میں اچانک انکاؤنٹر، دو عسکریت پسند ہلاک
بتایا جارہا ہے کہ مارے گئے عسکریت پسند نے نو روز قبل عسکریت پسندی کا راستہ اختیار کیا تھا جس کی شناخت عاقب احمد پال ولد محمد اکرام پال ساکنہ درونی امام صاحب کے بطور ہوئی ہے۔
