جموں و کشمیر پولیس کا کہنا ہے کہ وادی میں رواں سال اب تک 99 عسکریت پسندوں کو مختلف تصادم میں ہلاک کیا گیا ہے۔ کشمیر صوبے کے انسپکٹر جنرل آف پولیس IGP وجے کمار نے اتوار کے روز بتایا کہ رواں سال اب تک 99 عسکریت پسندوں کو ہلاک کیا جاچکا ہے۔ آئی جی پی وجے کمار نے کہا کہ عسکریت پسندوں کے ساتھ ساتھ ان کے معاونین پر بھی کریک ڈاؤن جاری ہے۔ وجے کمار نے سرینگر میں نامہ نگاروں سے بات چیت کے دوران کہا کہ رواں سال کے دوران اب تک سکیورٹی فورسز کے ساتھ تصادم آرائیوں کے دوران 99 عسکریت پسند ہلاک ہوئے ہیں۔ انہوں نے کہا کہ جنوبی ضلع پلوامہ کے دربگام گاؤں میں سکیورٹی فورسز کے ساتھ جھڑپ میں تین مقامی عسکریت پسند ہلاک ہوگئے۔IGP Kashmir says 99 militants killed this year
آئی جی پی کشمیر کے مطابق مارے گئے تین میں سے ایک پولیس کانسٹیبل ریاض کی ہلاکت میں براہ راست ملوث تھا۔ انہوں نے مزید بتایا کہ 2 جون کو وسطی ضلع بڈگام میں غیر مقامی مزدوروں پر ہوئے حملے میں بھی مہلوک عسکریت پسندوں کا ہاتھ رہا ہے۔ انہوں نے کہا کہ پلوامہ تصادم آرائی کے دوران سکیورٹی فورسز کو کوئی نقصان نہیں ہوا۔
