سڑک حادثے میں بی ایس ایف کے 8 جوان زخمی

جموں سرینگر قومی شاہراہ پر ہوئے سڑک حادثے میں بی ایس ایف کے 8 جوان زخمی ہو گئے ہیں۔

پولیس ذرائع کے مطابق بی ایس ایف (باڈر سکیورٹی فورسز) کی بس سری نگر سے جموں کی طرف آرہی تھی لیکن رامسو کے نزدیک گانگرو کے مقام پر بس ڈرائیور بس کی تیز رفتاری پر قابو نہ کرسکا جس کے سبب بس سڑک پر پلٹ گئی اور بس میں سوار بی ایس کے 8 جوان زخمی ہوگئے۔

رامسو پولیس اور مقامی رضاکاروں نے راحت کاری مہم شروع کر کے زخمی جوانوں کو مقامی اسپتال رامسو منتقل کیا جہاں زخمی جوانوں کا علاج کیا جارہا ہے اور ان کی حالت خطرے سے باہر بتائی جارہی ہے۔

رامسو پولیس نے کیس درج کر معاملے کی تحیقیات شروع کر دی ہے۔