سرینگر: جموں و کشمیر میں کووڈ-19 کے کیسز میں بے تحاشہ اضافے Covid Surge in J&K کے پیش نظر یوٹی انتظامیہ نے 64 گھنٹوں کا ہفتہ وار لاک ڈاؤن نافذ کرنے کا اعلان 64Hours Covid Lockdown in J&K کیا تھا۔
مسلسل تیسرے ہفتے بھی وادی کشمیر کے سبھی 10 اضلاع میں یوٹی انتظامیہ کے عین مطابق جمعہ کی دوپہر2 بجے سے 64 گھنٹوں کا ہفتہ لاک ڈاؤن کا نفاذ عمل میں لایا گیا۔
جمعہ کی دوپہر سے سرینگر کے لال چوک اور اس کے ملحقہ علاقوں میں پولیس نے لاؤڈ اسپیکرس کے ذریعے اعلان کرتے ہوئے دکانداروں کو اپنی دکانیں بند کرنے کو کہا ،جبکہ ریڈی والوں اور چھاپڑی فروشوں کو بھی اپنے اپنے اسٹال ہٹانے کو کہا گیا۔
ہفتہ وار کورونا لاک ڈاؤن کے چلتے ہفتے کے روز سرینگر سمیت وادی کے دیگر اضلاع میں بھی تمام کاروباری اور تجارتی سرگرمیاں بند ہیں جبکہ پبلک ٹرانسپورٹ کا پہیہ بھی جام ہو گیا ہے۔ ایسے میں تمام بازار سنسان پڑگے۔
سٹیٹ ایگزیکٹو کمیٹی کی جانب سے جموں وکشمیر میں ہر جمعہ 2 بجے سے پیر کی صبح 6 بجے تک غیر ضروری نقل وحرکت پر مکمل پابندی عائد کی گئی ہیں
اس بیچ جموں وکشمیر میں گزشتہ 24 گھنٹوں کے دوران کرونا وائرس کے 4354 مثبت کیسز درج کئے گئے ہیں۔ جن میں کشمیر میں 2914جبکہ جموں صوبے میں 1440 شامل ہیں ۔اس بیچ 5 مریضوں کی موت بھی واقع ہوئی ہے۔کشمیر کے 2 اور جموں کے 3 مریض اپنے جانیں گھنوا بھیٹے ہیں ۔
