ریاست کے اونہ ضلع میں کورونا کے اب تک سب سے زائد 16کیسز سامنے آچکے ہیں۔
گذشتہ 24گھنٹوں کے دوران چار افراد کرورونا پازیٹیو پائے گئے ہیں۔
اس سے قبل چنبا میں ایک اورہمیر پور میں دو کیسز سامنے آئے تھے۔
ٹانڈہ میڈیکل کالج میں کی گئی نمونوں کی جانچ رپورٹ میں ضلع اونہ کے انب علاقہ کے 60سالہ شخص کی رپورٹ مثبت آئی ہے۔
اونہ کا رہائشی یہ شخص دہلی تبلیغی جماعت میں شریک ہوا تھا۔اور گذشتہ 8مارچ کوہماچل واپس آیا تھا۔
ضلع ڈپٹی کمشنرسندیپ کمار نے بتایا کہ متاثرہ شخص کے تعلق سے اور اس کے رابطے میں آنے والوں کی معلومات جمع کی جارہی ہے۔
انہوں نے حیرانی ظاہر کرتے ہوئے کہا کہ یہ شخص تقریباًایک ماہ بعد کورونا سے متاثر کیسے ہوا۔
ہفتہ کے روز ٹانڈہ میں صبح 97نمونوں کی جانچ کی گئی اس میں اونہ کے 79میں 73 کی رپورٹ منفی آئی اور ایک کی مثبت۔
پانچ نمونوں کی دوبارہ جانچ کی جائے گی۔
