اطلاع کے مطابق یہ واقعہ ضلع سہارنپور کے بہٹ کوتوالی علاقہ کے گاؤں جسمور کا ہے۔ شیوالک فاریسٹ ڈویزن کے شاکمبھری رینج میں واقع گاؤں جسمور کے باشندے محمد اسرار کے بیٹے شاہ ویز، انتظار اور شمیم گاؤں کے قریب واقع گندم کے کھیت میں تھے۔ اس دوران شاہ ویز کھیت کے قریب میں لگے امردو کے پیڑ سے امرود توڑ رہا تھا، تبھی درخت کے نیچے بیٹھے تیندوے نے اس پر اچانک حملہ کردیا، جس میں شاہ ویز شدید طورپر زخمی ہوا، جبکہ انتظار اور شمیم نے کھیت سے بھاگ کر بمشکل اپنی جان بچائی، شور مچانے پر کھیتوں میں کام کرنے والے لوگ اکٹھا ہوئے اور تیندوے کو بھگایا۔
تیندوے کے حملہ میں نوجوان شدید زخمی
اہل خانہ نے زخمی نوجوان کو بہٹ کے سرکاری ہسپتال میںداخل کرایا۔ تیندوے کے علاقہ میں آنے کی وجہ سے لوگوں میں خوف و ہراس کا ماحول ہے۔ گاؤں والوں نے محکمہ جنگلات سے تیندوے کو پکڑنے کا مطالبہ کیا ہے۔
