Bike Thief Arrested: سہارنپور میں بین ریاستی موٹر سائیکل چور گرفتار، 8 موٹر سائیکل ضبط

سہارنپور شہر کے تھانہ جنک پوری پولیس نے ایک شاطر چور کو گرفتار کرکے اس کی تحویل سے آٹھ موٹر سائیکل اور ایک ممنوعہ چاقو بر آمد کیا ہے۔

ریاست اتر پردیش کے ضلع سہارنپور میں جنک پوری پولیس تھانہ نے چیکنگ کے دوران بین ریاستی بائیک چوروں کے گروہ کا ایک فرد گرفتار کر لیا ہے۔

گرفتار کیے گئے بائیک چور کی نشاندہی پر، پولیس کے مطابق، چوری کی گئی آٹھ موٹر سائیکلیں بر آمد کی گئی ہیں۔

گرفتار کئے گئے نوجوان کی شناخت ڈھاکہ دئی تھانہ، نانوتہ کے رہنے والے آکاش عرف ہنومان کے طور پر ہوئی ہے۔

ایس پی سٹی راجیش کمار کے مطابق آکاش اس سے قبل بھی چوری کے مختلف مقدمات میں پکڑا جا چکا ہے۔

انہوں نے مزید بتایا کہ آکاش ’’ماسٹر چابی‘‘ کا استعمال کرکے موٹر سائیکل چوری کرتا تھا۔

راجیش کمار نے مزید کہا کہ آکاش کے دیگر ساتھیوں کو گرفتار کرنے کے لئے خصوصی ٹیم تشکیل دی گئی ہے۔