ریاست اترپردیش میں سہارنپور پولیس نے لوگوں کو قرض دلانے کے نام پر غبن کرنے والے گروہ کا پردہ فاش کیا ہے اور ان کے پاس سے پولیس نے ایک سکارپیو کار سمیت موبائل، سم اور بینک کی چیک بک برآمد کیے ہیں۔
اطلاع کے مطابق سہارنپور تھانہ قطب شیر پولیس نے لوگوں کو قرض دلانے کے نام پر دھوکہ دہی کرنے والے گروہ کا پردہ فاش کرتے ہوئے دو ملز مان کو گرفتار کرکے جیل بھیج دیا ہے۔
واضح رہے کہ پولیس نے ملزم کے پاس سے کار، موبائل فون، سم کارڈ، بینک کی چیک بک وغیرہ کے ساتھ انہیں گرفتار کیا تھا۔
تھانہ قطب شیر علاقے کے چھترپال ولد رام پال کے لڑکے شبھم کے ساتھ قرض دلانے کے نام پر دھوکہ دہی کرکے پیسے کا غبن کیا جس کے مایوس ہوکر شبھم نے گزشتہ دنوں خودکشی کرلی تھی، اس ضمن میں شبھم کے والد نے تھانہ قطب شیر میں ایف آئی آر درج کرایا تھا۔
خیال رہے کہ آج پولیس نے اس واقعہ کو انجام دینے والے ایک گروہ کا پردہ فاش کرتے ہوئے کلدیپ ولد رامیشور، روی کمار ولد پرکاش کو گرفتار کیا ہے۔
ان دونوں سے فون کے ذریعہ سے قرض دلانے کے نام پر لاکھوں روپے کی ٹھگی کرتے تھے، پولیس ان کے دوسرے ساتھیوں کی تلاشی میں چھاپے ماری کررہی ہے۔
