اتر پردیش کے ضلع سہارنپور کے دیوبند علاقے کے ایملیہ گاؤں باشندہ اسرار کا قریب کے بیہڑا گاؤں میں گزشتہ دنوں ہوئے قتل کے بعد علاقے میں خوف کا ماحول ہے۔ معاملے کے متعلق ماب لنچنگ کی افواح پھیلائی جا رہی ہے۔
اسرار کے کنبے سے ملنے سہارنپور پالیمانی حلقہ سے رکن پارلیمنٹ حاجی فضل الرحمن پہنچے۔ انہوں نے کبنے سے ملاقات کے بعد میڈیا کو بتایا کہ پولیس کو معاملے کی تفتش کرنی چاہئے اور وہ اس کے لئے اعلیٰ افسران سے بھی بات کریں گے۔
انہوں نے کہا کہ تین چار روز قبل اسرار کا بہیڑا گاؤں میں قتل کر دیا گیا تھا اور میں اس دکھ کی گھڑی میں ان کے خاندان کے لوگوں سے ملنے کے لیے گیا تھا، کیونکہ کہ ان کے کنبے پر بہت بڑا پہاڑ ٹوٹ گیا ہے۔ اس دکھ کی گھڑی میں ہم پورے کبنے کے ساتھ کھڑے ہیں۔
انہوں نے کہا کہ ہم نے پولیس سے بھی مطالبہ کیا ہے کہ ملزموں کے خلاف سخت سے سخت کارروائی کی جائے اور ان کی گرفتاری بھی جلد سے جلد کی جائے۔ معاملے کے متعلق ایف آئی آر درج کی جا چکی ہے۔
فضل الرحمان نے کہا کہ یہ ماب لنچنگ کا معاملہ نہیں ہے۔ یہ دو لوگوں کا آپسی جھگڑا ہے، جس میں اسرار کا قتل کیا گیا ہے۔
واضح ہو کہ اسرار کے قتل کے بعد علاقے میں کئی طرح کی افواہ گردش کر رہی ہے۔
