تفصیلات کے مطابق جمعے کے روز دیوبند کے سی او اجے شرما اور کوتوالی انچارج کلدیپ سنگھ کی قیادت میں پولیس اور نیم فوجی دستوں کے جوانوں نے ایک فلیگ مارچ دیوبند کوتوالی سے شروع کیا گیا۔
اس فلیگ مارچ میں کوتوالی سے سبزی منڈی، مین بازار، ہنومان چوک، متر سین چوک، کائستھ واڑہ، محلہ ملتانیان، جی ٹی روڑ، محلہ گوجر واڑہ، مینا بازار، ایم بی ڈی چوک، اور ریتی چوک ہوتے ہوئے بھائیلہ روڈ تک مارچ کیا گیا۔
فلیگ مارچ کے تعلق سے کوتوالی انچارج کلدیپ سنگھ نے بتایا کہ پارلیمانی انتخابات اور ہولی تہوار کو مد نظر رکھتے ہوئے شہر اور اطراف میں امن امان کی فضا کو برقرار رکھنے کے لیے یہ فلیگ مارچ نکالا گیا ہے۔
دوسری جانب ہولی کے مد نظر دیوبند کے تمام بازاروں میں پولیس کی مستعدی بڑھا دی گئی ہے۔
اس موقعے پر انہوں نے عوام سے اپیل کی کہ' وہ لوگوں کے بہکاوے میں نہ آئے اور اپنے ارد گرد امن و امان کی فضا کو برقرار رکھنے میں انتظامیہ کی تعاون کریں۔
انہوں نے متنبہ کرتے ہوئے کہا کہ جو بھی تہوار کے موقعے پر ماحول خراب کرنے کی کوشش کریں گے ان کا انجام برا ہوگا، اور کوئی بھی شرپسند عناصر برداشت نہیں کی جائے گی۔
