خیال رہے دیہات کوتوالی کے گاؤں نظر پور میں ہوئے پتھراؤ کے معاملے میں 700 افراد کے خلاف رپورٹ درج کیے جانے سے متعلق بھیم آرمی نے جیل بھرو تحریک کا اعلان کیا ہے۔ سبھی تھانہ صدر کو ان کے علاقے سے آنے والے مظاہرین کی سرگرمیوں پر نگرانی رکھنے کی ہدایت دی گئی ہے۔ خفیہ محکمے کو بھی الرٹ کر دیا گیا ہے۔
علاقے میں پی اے سی کی چار کمپنیاں، آر اے ایف کی دو کمپنیاں اور آر ایس کے کی بھی دو کمپنیاں لگائی گئی ہیں۔ اس کے علاوہ تقریبا 800 پولیس اہلکاروں کو بھی تعینات کیا گیا ہے۔
اطلاعات کے مطابق چھ جگہوں پر بیریکیڈ اور 40 جگہوں پر پولیس ملازم تینات کیے گئے ہیں۔
ایس پی سٹی ونیت بھٹناگر نے بتایا کی چھ جگہوں پر بیریکڈنگ لگائے گئے ہیں۔ یہ بیریکڈنگ علی پور روڈ دلّی روڈ جنتا روڈ چلکانہ روڈ بے ہٹ روڈ وغیرہ پر لگائی گئی ہے اس کے علاوہ 40 جگہوں پر پولیس ملازم کی ڈیوٹی لگائی گئی ہے جو تحریک میں آنے والوں پر نظر رکھیں گے۔
انہوں نے بتایا کہ کلکٹریٹ میں ہزاروں لوگ گرفتاری دیں گے۔ بھیم آرمی کے ضلع سیکریٹری پروین گوتم کا کہنا ہے کہ جن سات سو لوگوں کو نامزد کیا گیا ہے ان کے پروار اور بھیم آرمی کے افسران اور کارکن کے ساتھ ساتھ ہزاروں لوگ گرفتاری دینے کے لیے منگل کو کلکٹریٹ پہنچیں گے۔ ان کے مطابق یہاں بھیم آرمی اپنے مطالبے کی لسٹ سونپے گی اور وہیں گرفتاری دی جائے گی۔
ادھر دیوبندکے بھیم آرمی کے کارکن نے بھی دیوبند پولیس کو گرفتاری دیدی اور نعرے بازی کی۔ کمشنری صدر دیپک بودھ نے کہا کہ بے گناہ لوگوں کے خلاف پولیس محکمہ مقدمہ درج کر رہا ہے جو کہ بالکل غلط ہے۔ انہوں نے کہا کہ نچلے درجے سے تعلق رکھنے والے معاشرے کو مسلسل دبایا جا رہا ہے۔ پولیس محکمہ کے ذریعے اور حکومت کے ذریعے ہمارے معاشرے کو ذلیل اور رسوا کیا جارہا ہے۔ یہ بالکل برداشت نہیں کیا جائے گا۔
