جیل سپرنٹنڈنٹ برجیش راج شرما نے جمعہ کو بتایا کہ ادے بھان کو کووڈ ہسپتال، گلوبل میڈیکل کالج میں داخل کرادیا گیا ہے۔ ادے بھان سہارنپور جیل میں تین برس سے ہیں۔ ادے بھان 18 اکتوبر کر پریاگ راج میں ای پی ایم ایل اے کورٹ میں پیشی پر گئے تھے وہاں سے لوٹنے کے بعد ان کی جانچ کرائی گئی جس میں وہ کورونا سے متاثر پائے گئے۔
سابق رکن اسمبلی کو 2001 میں عمر قید کی سزا سنائی گئی تھی۔ ان کا نام 1999 میں بھدوئی گنج کے گوپی گنج میں ہوئے تہرے قتل کے واقعہ میں ملوث پائے گئے تھے۔ مارچ 2017 میں انہیں سہارنپور جیل منتقل کیا گیاتھا۔ اسی کے ساتھ سہارنپور ضلع میں گزشتہ چوبیس گھنٹوں کے دوران چودہ انفیکشن کے نئے معاملے سامنے آئے ہیں۔ جس سے سہارنپور ضلع میں کورونا سے متاثروں کی تعداد بڑھ کر 8008 ہوگئی ہے۔
