میرٹھ میں کورونا وائرس کا مشکوک شخص پائے جانے کی خبر کے بعد علاقہ میں لوگوں نے ایک دوسرے سے ہاتھ ملانے میں بھی احتیاط برتنی شروع کردی ہے۔
خطرناک وائرس کی وجہ سے محلہ قلعہ کی مسجد میں پیش امام نے ظہر کی نماز کے بعد کورونا وائرس سے تحفظ کے لیے خصوصی دعا کا بھی اہتمام کیا۔
امام صاحب کا کہنا ہے کہ اس موذی مرض سے تحفظ کے لیے قرآن کریم کی تلاوت اور دعا کا اہتمام کرنا چاہیے۔
واضح رہے کہ تحصیل دیوبند علاقہ میں آٹھ افراد کے چین سے واپس لوٹے تھے جن کی جانچ کے لیے سرکاری ہسپتال میں ایک ہفتے تک نظر رکھے جانے کے بعد ان کی صحت کی جانچ جاری ہے۔
وائرس سے تحفظ کے پیش نظر ڈاکٹر بیدار ہیں اور ضلع ہسپتال میں ہائی الرٹ بھی جاری کردیا گیا ہے اور مقامی سرکاری اسپتال میں تین منفرد وارڈروم بھی تیار کیا گیا ہے جس میں مریضوں کے ابتدائی طبی امداد کے بعد انہیںکٹ فراہم کرائی گئی ہے۔
