جھارکھنڈ کے باگمارہ اسمبلی حلقہ سے رکن اسمبلی ڈُھلّو مہتو کی مشکلات بڑھ گئی ہیں۔ جھارکھنڈ ہائی کورٹ نے ڈُھلّو مہتو کی پیشگی ضمانت کی درخواست خارج کردی ہے۔
رکن اسمبلی نے جنسی زیادتی کے معاملے کے سلسلے میں جھارکھنڈ ہائی کورٹ میں پیشگی ضمانت کی درخواست دائر کی تھی۔
پیشگی ضمانت کی درخواست پر جھارکھنڈ ہائی کورٹ کے جج انیل کمار چودھری کی عدالت میں سماعت ہوئی۔ عدالت نے دونوں فریقوں کے دلائل سننے کے بعد درخواست خارج کردی۔
کیس کی سماعت ویڈیو کانفرنسنگ کے ذریعے کی گئی۔ جج انیل کمار چودھری نے اپنی رہائش گاہ سے ویڈیو کانفرنسنگ کے ذریعہ شنوائی کی۔
وہیں درخواست گزار کے وکیل نے اپنے گھر سے ویڈیو کانفرنسنگ کے ذریعے اپنا مؤقف رکھا۔
