واضح رہے کہ لاک ڈاون کے دوران ملک بھر کی مختلف ریاستوں میں پھنسے جھارکھنڈ کے مزدور اور طلبا خصوصی ٹرین کے ذریعے جمشید پور پہنچیں گے۔
ایس ایس پی کے مطابق یہاں تقریبا 1200 کی تعداد میں تارکین وطن مزدور اور طلبا پہنچیں گے، جنہیں بحفاظت بسوں کے ذریعے ان گھروں تک پہنچایا جائے گا۔
کورونا وائرس کے پھیلاؤ کی روک تھام کے لیے ملک گیر سطح پر گزشتہ ایک ماہ سے زائد سے لاک ڈاون ہے، لاک ڈاؤن کے دوران ملک کی مختلف ریاستوں میں تارکین وطن مزدور اور طلبا پھنسے ہوئے ہیں، جنہیں خصوصی ٹرینوں کے ذریعے بھیجا جا رہا ہے۔
ایس ایس پی ایم تامل وانن نے بتایا ہے کہ یہاں 1200 تارکین وطن مزدور اور طلباپہنچیں گے، ان سبھی کی اسکریننگ کے بعد مکمل تفصیلات لی جائیں گی، انہیں کھانے اور پانی کا پیکٹ دیے جانے کے بعد بسوں کے ذریعے انہیں ان کے گھر روانہ کر دیا جائے گا، انہوں نے بتایا کہ اس کے لیے تقریبا پچاس بسوں کا انتظام کیا گیا ہے۔
