ریاست جھارکھنڈ کے رانچی ضلع کے اورمانجھی تھانہ علاقہ میں ایک شخص نے اپنے دو بچوںکے ساتھ کنویں میں چھلانگ لگاکر خود کشی کرلی۔
پولیس ذرائع نے بدھ کو بتایا کہ ضلع کے کچو گاؤں باشندہ ستیندر مہتو نے اپنے دو بیٹوںکے ساتھ کنویں میں چھلانگ لگا کر خود کشی کرلی۔ گاؤں والوں سے ملی اطلاع کے مطابق موقع پر پہنچی پولیس نے مقامی لوگوں کے تعاون سے لاشوںکو کنویںسے نکال کر پوسٹ مارٹم کیلئے بھیج دیا ہے۔
اس سلسلے میں متعلقہ تھانے میں ایک ایف آئی آر درج کر لی گئی ہے۔ پولیس معاملے کی تفتیش میں مصروف ہو گئی ہے۔
دریں اثناء اہل خانہ کا کہنا ہے کہ ستیندر کا اپنی اہلیہ سے کسی بات کی وجہ سے سوموار کو تنازعہ ہوگیا تھا۔ اس کے بعد ستیندر کی اہلیہ بچوں کو چھوڑ کر میکے چلی گئی۔ اس بات کا اندیشہ ظاہر کیا جا رہا ہے کہ بیوی کے جانے سے پریشان ستیندر نے بچوں کے ساتھ کنویں میں چھلانگ لگا کر خو د کشی کر لی۔بچوں سمیت خود کشی
