کورونا وبا کے بڑھتے خطرات کے پیش نظر جھارکھنڈ کے وزیر اعلیٰ نے احتیاطی اقدامات اٹھاتے ہوئے ریاست میں 22 تا 29 اپریل تک مکمل لاک ڈاؤن کا اعلان کیا ہے۔
پریس کانفرنس کے بعد ریاست کے وزیر اعلی نے یہ اعلان کیا، اس سے قبل سی ایم ہاؤس میں بھی ایک اعلی سطحی میٹنگ ہوئی۔ اس میٹنگ میں سکھ دیو سنگھ سمیت کئی اعلیٰ رہنما شامل تھے۔
جھارکھنڈ میں 22 تا 29 اپریل تک مکمل لاک ڈاؤن
آپ کو بتادیں کہ رواں برس کورونا کی دوسری لہر نے ملک بھر میں قہر مچا رکھا ہے، متاثرین اور اموات کا سلسلہ رکنے کا نام ہی نہیں لے رہا ہے، جس کے پیش نظر دہلی میں بھی مکمل لاک ڈاؤن کا اعلان کیا جا چکا ہے، ساتھ ہی ملک کی دیگر ریاستوں میں نائٹ کرفیو نافذ ہے۔
