جموں وکشمیر کے ضلع رامبن میں پرنسپل ڈسٹرکٹ اینڈ سیشن جج کی عدالت نے دوہرا قتل کے مقدمے کا سامنا کر رہے ملزم عبدالغفور دینابٹ ساکن جورا تحصیل ٹھاٹھری ضلع ڈوڈہ کو عمر قید اور ایک لاکھ جرمانے کی سزا سنائی ہے۔ Double Murder accused gets life imprisonment۔
استغاثہ کے مطابق 9 مئی 2011 کو محکمہ پولیس میں ایس پی او کے عہدے پر تعینات عبدالغفور نے اپنی اہلیہ رحمت بیگم اور اپنے سالے فاروق احمد ولد محمد صدیق ساکنہ برنا بھرت تحصیل ضلع ڈوڈہ حال میترا رامبن پر فائرنگ کردی تھی۔ ملزم نے ان کو قتل کرنے کی نیت سے یہ کام دیر رات انجام دیا تھا جس کے نتیجے میں وہ دونوں ملزم کی رائفل AK-56 سے شدید زخمی ہو ئے تھے اور وہ دونوں زخموں کی تاب نہ لاتے ہوئے چل بسے۔ تھانہ پولیس رامبن نے 302 آر پی سی اور 7/27 آرمس ایکٹ کے تحت مقدمہ درج کرکے کورٹ میں پیش کیا تھا۔
پرنسپل سیشن جج رامبن حق نواز زرگر سماعت کے بعد سرکاری وکیل آر بی بندرال نے ریاست کی طرف سے جبکہ ملزم کی جانب سے ایڈووکیٹ زیڈ اے لون پیش ہوئے، عدالت نے فریقین کی دلیل سنے کے بعد مذکورہ بالا حقائق کے پیش نظر بتایا کہ اس کیس میں مجرم کے خلاف عمر قید کی سزا سب سے مناسب سزا ہوگی۔
عدالت نے مشاہدہ کیا کہ ملزم نے عبدالغفور ولد دینا بٹ ساکن جھورا ٹھتری ڈوڈہ کو زیر دفعہ 302 آر پی سی 2/27 ا یو ایس کے تحت عمر قید اور ایک لاکھ روپے جرمانے کی سزا سنائی۔ جرمانہ کے 1 لاکھ میں سے 50,000 رحمت بیگم کے بچوں کو معاوضہ کے طور پر ادا کیا جائے گا۔ فیصلہ سننے کے لیے مجرم کمرہ عدالت میں موجود نہیں تھا بلکہ مجرم کو ادھمپور کے جیل میں بذریعہ ویڈیو فیصلہ سنایا گیا۔
