رامبن: سڑک حادثے میں سینئر صحافی زخمی

ضلع رامبن میں ایک سڑک حادثہ پیش آیا جس میں ایک صحافی زخمی ہو گیا جسے ہسپتال میں داخل کیا گیا ہے۔

جموں و کشمیر کے ضلع رامبن کے بٹوٹ تنی ٹاپ شاہراہ پر ایک کار حادثہ پیش آیا جس میں سینئر صحافی کے زخمی ہونے کی خبر موصول ہوئی ہے۔

پولیس زرائع کے مطابق کار نمبر JK 02 AJ 2311 بٹوٹ سے پاتنی ٹاپ جا رہی تھی کہ اچانک ترنگلہ مقام کے قریب کار بے قابو ہوکر گہری کھائی میں جاگری۔

کار میں سوار ڈی ڈی وین کے صحافی رویندر کیشن کیچلو (55) ولد جیون کیشن کیچلو شدید زخمی ہو گئے۔

حادثے کی خبر سنتے ہی پولیس آرمی بچاؤ مہم شروع کر کے زخمی کو ایمرجنسی ہسپتال بٹوٹ منتقل کیا جہاں ڈاکٹروں نے ابتدائی طبی امداد کے بعد ضلع ہسپتال رامبن منتقل کیا جہاں وہ زیر علاج ہیں۔

ڈاکٹر کے مطابق صحافی کے صحت میں سدھار ہو رہا ہے۔