منڈی میں ژالہ باری سے باغات کو بھاری نقصان,معاوضے کی اپیل

جموں و کشمیر میں موسلادھار بارشوں کا سلسلہ بدستور جاری ہے۔ اس دوران جموں و کشمیر کے ضلع پونچھ کےمنڈی تحصیل میں ژالہ باری سے فصلوں کے ساتھ ساتھ باغات کو بہت نقصان ہوا ہے۔

ضلع پونچھ کے تحصیل منڈی کے گاؤں اعظم آباد میں ژالہ باری ہونے سے باغات کے مالکان کو بھاری نقصان اٹھانا پڑا ہے،جس سے لوگوں میں سخت مایوسی دیکھنے کو مل رہی ہیں ۔

لوگوں کے مطابق وہ ہر سال پورے کنبے کے ساتھ باغات میں محنت کرتے ہیں، لیکن اس کے بعد فصلوں کی اس طرح نقصان ہونے سے انہیں مایوسی کے سوا کچھ اور نہیں ملتا۔

انہوں نے مزید کہا کہ ایک طرف بے روزگاری کے سبب لوگ سخت پریشان ہیں اور دوسری طرف قدرتی آفات ژالہ باری سے ان کے باغات میں زبرست نقصان سے دوچار ہوا پڑا ۔

انہوں نے انتظامیہ سے اپیل کی ہے کہ انہیں ژالہ باری سے ہوئے نقصانات کا تخمینہ لگا کر معاوضہ دیا جائے تاکہ ان کی کچھ حد تک بھرپائی ہو۔