جموں و کشمیر کے ضلع رامبن کے سب ڈویژن گول میں کانگریس پارٹی کی جانب سے عوامی جلسے Congress Public Rally at Gool کا انعقاد کیا گیا، جس میں کانگریس کے سینیئر لیڈر غلام نبی آزاد Ghulam Nabi Azad نے بھی شرکت کی۔
اس موقع پر غلام نبی آزاد نے ریلی سے خطاب Ghulam Nabi Azad Address Public Rally کرتے ہوئے کہا کہ ہمارے بزرگوں نے حق کے لیے لڑائی لڑی ہے اس لیے ہم بھی اپنے حق کے لیے لڑائی جارے رکھیں گے۔
ریلی کے دوران بارش بھی ہونے لگی تھی جس کی وجہ سے وہاں پر سامعین کا شکریہ ادا کرتے ہوئے غلام نبی آزاد نے کہا کہ یہ آپ لوگوں کا کشادہ ظرف ہے کہ بارش میں بھی آپ لوگ مجھے سن رہے ہیں۔
اس دوران انہوں نے سنگلدان کے عامر ماگرے کی لاش کو ان کے لواحقین کو واپس نہ کرنے پر بھی افسوس کا اظہار کیا اور کہا کہ ایک ماہ سے زیادہ ہونے کے باوجود ابھی تک ان کی لاش کو لواحقین کے حوالے نہیں کیا گیا۔
ریلی کے بعد صحافیوں سے بات کرتے ہوئے انہوں نے حد بندی کمشین کی جانب سے سیٹوں کے تقسیم کے متعلق کہا کہ سیٹوں کو دو اصولوں آبادی اور علاقہ کے رقبہ کی بنیاد پر مختص کیا جاتا ہے۔ اس لیے یہ طے کرنا کہ مرکزی حکومت نے سیٹوں کی تقسیم میں کس پیمانے کو اپنایا ہے، یہ کہنا مشکل ہے۔ اب کمیشن کی مکمل رپورٹ آنے کے بعد ہی پوری تصویر واضح ہوگی۔
یہ بھی پڑھیں:
Ghulam Nabi Azad on Ddelimitation: 'مجھے امید ہے حد بندی کمیشن قانون کے تحت کام کرے گا'
اس دوران غلام نبی آزاد سے کانگریس پارٹی اور آزاد کے درمیان کی دوری پر ایک سوال کے جواب میں انہوں نے کہا کہ کانگریس پارٹی آزاد کے ساتھ ہے اور آزاد بھی کانگریس پارٹی کے ساتھ ہے۔
اس ریلی میں غلام نبی آزاد کے ہمراہ کئی دیگر لیڈران بھی شریک تھے، جن میں جگل کشور شرما، منوہر لعل، غلام محمد سروری، وقار رسول وانی اور اشوک کمار سمیت پارٹی کارکنان کی بڑی تعداد نے جلسہ میں شرکت کی۔
