ضلع ترقیاتی کمشنر اشوک کمار شرما نے آج پریس کانفرنس میں خطاب کرتے ہوئے کہا کہ ضلع میں کورونا کے مثبت معاملوں میں نمایا کمی درج کئی گئی ہے۔ انہوں نے کہا کہ عالمی وبا سے نمٹنے کے لئے کشتواڑ کی عوام نے بہترین رول نبھاتے ہوئے کورونا ایس او پیز پر عمل کیا ہے۔
ڈی سی کشتواڑ نے کہا کہ کورونا کی دوسری لہر میں ضلع بھر میں کووڈ 19 کے 2 ہزار 61 مثبت معاملے سامنے آئے ہیں، جس میں سے 2 ہزار 35 کیس صحتیاب ہوئے ہیں۔
ان کا کہنا ہے کہ پورے ضلع میں تاحال 10 مثبت کیسز ہیں اور گزشتہ ہفتہ ضلع میں 5 پازیٹیو کیسز سامنے آئے ہیں۔ ڈپٹی کمشنر کشتواڑ نے مزید کہا کہ ضلع میں پازیٹیوٹی ریٹ0.1 فیصد ہے۔
مزید پڑھیں:زوجیلا ٹنل: ایشیاء کی سب سے لمبی دو طرفہ سرنگ کا کام تیزی سے جاری
اشوک کمار شرما نے ضلع کے لوگوں کو کورونا ایس او پیز پر عمل پیرا کرنے کی اپیل کی ہے۔ انہوں نے عوام سے انتظامیہ کو پورا تعاون دینے کی اپیل کی تاکہ پورے ضلع کو کورونا سے پاک رکھا جاسکے۔
