جموں کشمیر میں معذوروں کو کافی مشکلات کا سامنا کرنا پڑ رہا ہے۔ جس کے پیش نظر ڈاک بنگلو منڈی میں معذورین نے پیر پنچال عوامی ڈیولپمنٹ فرنٹPir Panjal Awami Development Front کے چیرمین محمدفرید ملک کی قیادت میں ایک پریس کانفرنس Disable Persons Press Conference کا اہتمام کیا۔ پریس کانفرنس سے خطاب کرتے ہوئے محمد فرید ملک نے کہا کہ اس وقت جہاں مہنگائی آسمان چھو رہی ہے وہیں ان معذور افراد کو بطور پنشن ایک ہزار روپے دیکر انتظامیہ اپنا دامن چھڑا رہی ہے۔
پیر پنجال عوامی ڈیولپمنٹ فرنٹ کے زیر قیادت معذورین کی پریس کانفرنس انہوں نے کہا کہ 'بینک میں معذورافراد کے لیے الگ ایک کاؤنٹر کھولنے، کرائے میں تحفیف کا کارڈ بنوانے، پنشن میں اضافہ معذورین بورڈ بنانے کی مانگ کے ساتھ ساتھ تمام تر بنیادی سہولیات فراہم کرانے کا مطالبہ کیا ہے۔ تاکہ معذور افراد بھی عزت کی زندگی گزار سکیں اور معاشرہ میں وہ بھی اپنا حق پاکر راحت کی سانس لے سکیں۔ اس دوران منڈی تحصیل کے متعدد علاقوں سے آئے بیس سے زائد معذورین نے پریس کانفرنس میں شمولیت کی۔ اس دوران معذورین نے لیفٹنٹ گورنر منوج سنہا سے پرزور اپیل کی ترجیحی بنیادوں پر ان کے مسائل حل کیے جائیں۔ انہوں نے کہا کہ اگر معذورین کے مسائل کا جلد حل نہ نکالا گیا تو آنے والے دنوں میں بڑے پیمانے پر احتجاج اور دھرنے دیے جائیں گے۔
