DC Inspection In Mandi:ضلع ترقیاتی کمشنر پونچھ نے کیا منڈی کا اچانک دورہ

ضلع پونچھ کی تحصیل منڈی میں بدھ کے روز ضلع ترقیاتی کمشنر اندرجیت سنگھ DC Poonch Inderjeet Singh نے تحصیل منڈی کے متعدد سرکاری دفاتر کا اچانک دورہ کیا۔اس دوران متعدد محکموں میں کام کر رہے ملازمین کو ڈیوٹی سے غیر حاضر پایا گیا ہے۔

سرحدی ضلع پونچھ کے تحصیل منڈی نے بدھ کے روز ضلع ترقیاتی کمشنر اندرجیت سنگھ نے تحصیل منڈی کے متعدد سرکاری دفاتر Government Departments کا اچانک دورہ کیا۔اچانک معائنہ میں ڈی سی نے تحصیل کمپلکس منڈی،سب ضلع ہسپتال منڈی اور منڈی کے ہائر سکنڈری سکولوں کا بھی دورہ کیا۔

اس حوالے سے ضلع ترقیاتی کمشنر پونچھ نے کہا کہ لوگوں کی جانب سے یہ شکایات موصول ہو رہی تھی کہ کئی ملازمین دفاتروں میں غیر حاضر رہتے ہیں،جس کی وجہ سے عام لوگوں کو مشکلات سے دوچار ہونا پڑا۔

انہوں نے کہا کہ کچھ حد تک لوگوں کی بات سچ تھی کچھ ملازمین دفاتر میں موجود نہیں تھے۔ جس کو لیکر ضلع انتظامیہ نے ان ملازمین کے خلاف کارروائی عمل میں لائی گئی۔