پونچھ: تحصیل حویلی کے میدانہ پل سے ایک شخص کی لاش برآمد

ضلع پونچھ کی تحصیل حویلی میں دن کے بارہ بجے کچھ لوگوں نے دریا میں لاش دیکھی، جس کے بعد مقامی اور ایس ڈی آر ایف کی ٹیم کی مدد سے لاش کو دریا سے باہر نکالا گیا۔

ضلع پونچھ کی تحصیل حویلی کے میدانہ پل کے پاس دریا سے ایک شخص کی لاش برآمد ہوئی ہے۔ جس کی شناخت محمد تاج ولد باغ حسین عمر قریب 50 سال ساکن گاؤں کھندوں پوٹھا سرنکوٹ کے طور پر ہوئی ہے۔ واضح رہے کہ قریب دن کے بارہ بجے کچھ لوگوں نے لاش دریا میں دیکھی، جس کے بعد مقامی لوگ اور ایس ڈی آر ایف کی ٹیم کی مدد سے لاش کو دریا سے نکالا گیا۔

جس کے بعد ایس ایچ او سرنکوٹ جیتندر سمبیل اور ایس ایچ او منڈی بشیر کوہلی اپنی ٹیم کے ہمراہ موقع پر پہنچے اور لاش کو پوسٹ مارٹم کے لئے سب ضلع ہسپتال میں منتقل کردیا گیا ہے۔

ایس ایچ او سرنکوٹ جیتندر سمبیل کے مطابق ابھی تک مرنے کی وجہ معلوم نہیں ہوپائی ہے۔ انہوں نے کہا کہ 'پوسٹ مارٹم کے بعد ہی پتہ چل سکے گا کہ مذکورہ شخص کی موت کیسے ہوئی۔ اس تعلق سے پولیس تحقیقات کررہی ہے۔