چھتیس گڑھ کے گریابند ضلع کے پھنگیشور تھانہ علاقے میں ایک نابالغ لڑکی کو شادی کا جھانسہ دے کر ایک نوجوان نے اسے اپنے گھر میں رکھ لیا تھا جس کی وجہ سے پولس نے اسے پوسکو ایکٹ کے تحت گرفتار کرکے جیل بھیج دیا ہے۔
پولس نے گزشتہ روزاس معاملے میں کاروائی کرتے ہوئے نابالغ کو نوجوان کے گھر سے برآمد کیا۔
پولس نےبتایا کہ پھنگیشور کے ستنامی پارا کے رہنےوالے ملزم اشون کوسرے نے ایک نابالغ لڑکی کو شادی کا جھانسہ دے کر اپنے گھر میں رکھ لیاتھا، لڑکی کے اہل خانہ نے پولس میں اس کی رپورٹ درج کرائی تھی۔
تھانہ انچارج بھوپندر ساہو نے اس معاملے میں کاروائی کرتے ہوئے نابالغ کو گھر سے برآمد کیا۔
پولس نے مزید بتایا کہ اس نوجوان کے خلاف پوسکو ایکٹ کے تحت کاروائی کی گئی ہے اورملزم کو حراست کے بعد جیل بھیج دیا گیا ہے۔
