تیندوے کے حملے میں بچے کی موت

ریاست چھتیس گڑھ میں تیندوے کے حملے میں چھ سالہ بچے کی موت ہو گئی۔

چھتیس گڑھ کے ضلع گریابند کے کوچیگا گاؤں میں اپنے گھر کے آنگن میں کھیل رہے چھ سالہ بچے کی تیندوے کے حملے میں موت ہوگئی۔

محکمہ جنگلات کے ذرائع کے مطابق کل شام پورب کمار نامی چھ سالہ بچے کو اُس وقت تیندوا نے حملہ کیا جب وہ گھر کے صحن میں کھیل رہا تھا۔ آس پڑوس کے افراد کے شور کی وجہ سے تیندوا بچے کو چھوڑ کر جنگل کی طرف بھاگ نکلا۔

گاؤں والوں نے اس واقعے کی اطلاع محکمہ جنگلات کو دی اور زخمی حالت میں بچے کو لے کر ضلع اسپتال پہنچے۔

ابتدائی علاج و معالجے کے بعد نازک حالت میں بچے کو رائے پور ریفر کیا گیا تاہم بچے نے زخموں کی تاب نہ لاتے ہوئے راستے میں ہی دم توڑ دیا۔

محکمہ جنگلات کے ایئریا افسر منوج چندراکر نے بتایا کہ بچے کی حادثے میں موت ہونے کی وجہ سے اسکے اہل خانہ کو 25ہزار روپے کی مدد دی گئی ہے۔

انہوں نے مزید کہا کہ پوسٹ مارٹم اور دیگر طبی و قانونی لوازمات کے بعد لاش کو آخری رسومات کے لیے گھروالوں کے سپرد کر دیا گیا۔