بےروزگاری پر چھتیس گڑھ کے وزیر داخلہ کا متنازعہ بیان

تامر دھوج ساہو نے کہا کہ چھتس گڑھ میں روزگار کی کوئی کمی نہیں ہے۔ کچھ لوگوں کو باہر جانے کی عادت ہوتی ہے اور وہ باہر جاتے ہیں، انہیں کوئی روک نہیں سکتا ہے۔

سورج پور کے یک روزہ دورے پر پہنچے چھتیس گڑھ کے وزیر داخلہ تامر دھوج ساہو نے ایک متنازعہ بیان دیتے ہوئے کہا کہ چھتس گڑھ میں روزگار کی کوئی کمی نہیں ہے۔ کچھ لوگوں کو باہر جانے کی عادت ہوتی ہے اور وہ باہر جاتے ہیں، انہیں کوئی روک نہیں سکتا ہے۔

واضح ہو کہ چند روز قبل سمیت پور کے چاندنی بہار پور میں تامل ناڈو جا رہی ایک بس کو پکڑا گیا تھا جس میں 52 مزدور سوار تھے جنہیں کام کے لئے تامل ناڈو لے جا یا جا رہا تھا۔ بس میں 32 نابالغ مزدور بھی تھے، جنہیں دیہی باشندوں نے روک کر پولیس کے حوالے کر دیا تھا۔

اسی سوال کے متعلق وزیر داخلہ سے صحافیوں نے سوال کیا تھا، جس پر تامر دھوج ساہو نے یہ بیان دیا۔

تامر دھوج ساہو نے کہا کہ کورونا کے دور میں بھی بھارت میں سب سے زیادہ روزگار چھتیس گڑھ میں فراہم کرایا گیا ہے۔