ریاست چھتیس گڑھ کے دنتیواڑہ میں صبح کے وقت نکسلیوں نے سی آئی ایس ایف کے تین جوانوں پر حملہ کردیا۔جس کی وجہ سے تینوں جوان شدید طور سے زخمی ہوگئے ہیں اور فوجیوں کے واکی ٹاکی اور 2 موبائل لیکر فرار ہوگئے ہیں۔
دانتے واڑہ ایس پی ابھیشیک پلوو نے بتایا کہ ہفتے کے روز صبح چھ بجے کے قریب 12 نکسلیوں نے بچیلی کے آکاش نگر میں ڈیوٹی پر تعینات 3 سی آئی ایس ایف اہلکاروں پر حملہ کردیا۔
اس دوران ایک جوان کے سر میں چوٹ آئی جبکہ دو دیگر جوان شدید طور سے زخمی ہوگئے۔ تمام فوجیوں کو اسپتال میں داخل کرایا گیا ہے جہاں ان کا علاج جاری ہے۔
واضح رہے کہ گزشتہ بدھ کے روز سکما کے علاقے کوکنار میں نکسلیوں نے سڑک کی تعمیر میں مصروف 2 جے سی بی سمیت 6 گاڑیوں میں آگ لگا دی تھی
کچھ دن پہلے ڈی آر جی اور ایس ٹی ایف کی ٹیم نے ابوجہماڈ میں نکسلیوں کے کیمپ کو منہدم کردیا تھا اور نکسلیوں کے کیمپ سے بڑی مقدار میں گولہ بارود بھی برآمد ہوا تھا۔
فوجیوں نے کیمپ سے نکسلیوں کے ہتھیار، گولہ بارود، IEDs اور راکٹ لانچر بھی برآمد کیا لیکن ڈیگلپٹھی کیمپ کے قریب پہنچتے ہی نکسلیوں نے فائرنگ شروع کردی، جوابی کارروائی کے بعد نکسلی کیمپ چھوڑ کر فرار ہوگئے تھے۔
