رائےگڑھ: کرنٹ لگنے سے ہاتھی ہلاک

بجلی کے ننگے تار کی زد میں آنے سے ایک ہاتھی ہلاک ہوگیا، اس تعلق سے محکمہ جنگلات کے افسران نے گورسا گاؤں کے دو افراد پر شک کے بنا پر ایف آئی آر درج کرایا ہے۔

ریاست چھتیس گڑھ کے شہر رائے گڑھ کے دھرم جےگڑھ جنگل ڈویژن کے گورسا گاؤں میں ایک ہاتھی بجلی کے ننگے تار کے زد میں آنے سے ہلاک ہو گیا۔معاملے کی اطلاع ملتے ہی پولیس ومحکمہ جنگلات کے افسران موقع پر پہنچ گئے، اور علاقے کے دو افراد پر ایف آئی آر درج کرایا ہے۔

بتایا جارہا ہے کہ' علاقے کے رہنے والے بھادو رام راٹھیا اور بل سنگھ نے غیر قانونی طور پر چوری کی بجلی کے لیے کھمبے لگائے کر ننگے تار کے ذریعے گھر میں بجلی لے جارہے تھے جس کی زد میں آکر ہاتھی ہلاک ہوا ہے۔ پولیس اس معاملے میں تفتیش کر رہی ہے۔