گوپال گنج میں موٹر سائیکل چور گرفتار

بہار کے گوپال گنج ضلع کی مانجھا گڑھ تھانہ پولیس نے موٹر سائیکل چور گروہ کے تین افراد کو گرفتار کرکے چوری کی آٹھ موٹر سائیکلیں برآمد کی ہیں۔

پولیس ذرائع نے بتایا کہ اطلاع کی بنیاد پر اتوار کی دیر رات مختلف مقامات پر چھاپے ماری کر کے موٹر سائیکل چور گروہ کے تین افراد اوما شنکر یادو، سی جی یادو اور لیلا دھر یادو کو گرفتار کیا گیا ہے۔

پولیس نے ان کے پاس سے چوری کی آٹھ موٹر سائیکلیں بھی برآمد کی ہے۔

ذرائع کے مطابق موٹر سائیکل چور گروہ کا ماسٹر مائنڈ گڈو سہنی، مانجھا گڑھ تھانہ علاقہ کے مدھو سریا گاﺅں کا رہنے والا ہے۔ پولیس اس کی گرفتاری کے لیے چھاپے ماری کر رہی ہے۔