پولیس ذرائع نے یہاں بتایا کہ قصبہ جلال گڑھ کی سرحد پر کالی مندر کے نزدیک ارریہ کی جانب سے پھل لدا ٹرک آرہا تھا، جس کا ٹائر اچانک پھٹ گیا اور وہ بے قابو ہو کر قریب سے گذر رہے ایمبولینس پر پلٹ گیا۔ اس حادثے میں تین لوگوں کی موقع پر ہی موت ہو گئی اور چھ دیگر لوگ شدید طور سے زخمی ہوگئے۔
ذرائع نے بتایا کہ مرنے والوں میں پورنیہ صدر ہسپتال کے ایمبولینس ڈرائیور سوکیش ٹھاکر کی اہلیہ ، اس کا بھائی مکیش ٹھاکر اور اس کے ایک دوست کی موت ہوگئی ۔ حادثے میں ایمبولینس ڈرائیور کے علاوہ دونوں ٹرک کے ڈرائیور اور خلاصی بھی زخمی ہوگئے ۔ زخمی سوکیش ٹھاکر کو علاج کے لئے صدر اسپتال پورنیہ بھیجا گیا ہے ۔ وہیں زخمی حالت میں دونوں ٹرک کا ڈرائیور اور خلاصی موقع سے فرار ہو گیا ۔ لاشوں کو پوسٹ مارٹم کیلئے بھیج دیا گیا ہے ۔
ذرائع نے بتایاکہ واقعہ کی اطلاع پر پہنچی پولیس جب سڑک کو خالی کرا رہی تھی تبھی دوسرے لین میں ایک موٹر سائیکل اور ٹرک کے مابین ٹرک ہوگئی جس میں موٹر سائیکل سوار دو نوجوان شدید طور سے زخمی ہو گئے ۔ دونوں زخمیوں کو بھی پورنیہ صدر اسپتال میں داخل کرایا گیا ہے ۔ دونوں نوجوان گڑھ بنے لی بازار کا باشندہ ہے۔
