سب ڈویژنل پولیس افسر راگھو دیال نے بتایا کہ اطلاع ملی تھی کہ وارث پور گاﺅں میں کئی بدمعاشوں کو دیکھا گیا ہے اور ان کے ذریعہ کسی بڑی واردات کو انجام دینے کا خدشہ ہے ۔
انہوں نے بتایا کہ اطلاع کے مطابق کل دیر رات کی گئی چھاپے ماری میں تین بدمعاشوں کو گرفتار کیا گیا ہے ۔
مسٹر دیال نے بتایا کہ گرفتار بدمعاشوں میں گوتم کمار ، پون کمار اور محمد عرفان شامل ہیں۔ سبھی بدمعاش ضلع کے مختلف علاقوں کے رہنے والے ہیں۔
گرفتار بدمعاشوں کے پاس سے دو پستول ، چار کارتوس ، چار موبائل فون اور دو بائک برآمد کی گئی ہے ۔ انہوں نے بتایاکہ پولیس تینوں گرفتار بدمعاشوں کو جیل بھیجنے کی تیاری کر رہی ہے ۔
غورطلب ہے کہ ضلع میں انڈسٹریل تھانہ علاقہ کے ہلال پور گاﺅں میں جرائم کا منصوبہ بنارہے تین بدمعاشوں کو سموار دیر رات پولیس نے گرفتار کیا ہے۔ موصول اطلاع کے مطابق کی گئی چھاپے ماری میں تین بدمعاش راجیو کمار ، منا کمار اور نتیش کمار کو گرفتار کیا گیا تھا۔
انکے پاس سے ایک پستول ، چھ کارتوس ، تین موبائل فون اور چاقو برآمد کئے گئے تھے ۔ اس طرح گذشتہ 48 گھنٹے کے دوران چھ بدمعاشوں کی گرفتاری کی گئی ہے ۔
