ضلع کلکٹر بیجناتھ یادو نے کہا کہ پہلے ڈیلر خاموشی سے اناج اٹھا کر لے جاتے تھے اور لوگوں کو معلوم نہیں ہونے کی وجہ سے عوام اناج لینے نہیں پہنچ پاتی تھی مگر اب ایسا نہیں ہوگا۔ جو ڈیلر جس ٹرک سے اناج لے کر جائے گا اس پر گانے کی دھن بجے گی اور پوسٹر بینر لگے ہوں گے تاکہ گاؤں میں پہنچتے ہی لوگوں کو معلوم ہو جائے کہ ان کا اناج پہنچ چکا ہے۔ گاڑی پر لاؤڈ اسپیکر اور پوسٹر بینر لگانے کا مقصد کالابازاری پر روک لگانا بھی ہے۔
ضلع کلکٹر نے کہا کہ تمام گاڑیوں پر جی پی ایس بھی لگائے گئے ہیں جبکہ اگر درمیان میں کوئی گاڑی بیچ میں رکتی ہے یا پھر روڈ میپ تبدیل کرتی ہے تو اس کی اطلاع فوراً محکمہ افسران کو پہنچ سکے۔ اب ڈیلروں کو کالابازاری کرنا بند کرنا پڑے گا۔ جو اس گرفت میں آئے گا اس پر سخت سے سخت کارروائی کی جائے گی۔ آج دو درجن سے زائد گاڑیوں کو ہری جھنڈی دکھا کر روانہ کیا گیا۔
