کانگریس نے اسمبلی انتخاب میں مسلمانوں کو آبادی کے تناسب سے حصہ داری دینے کا دعویٰ کیا ہے۔ کانگریس اعلیٰ کمان کے لیڈر اور قومی اقلیتی سیل کے صدر ندیم جاوید نے کہا کہ بہت جلد ہی اتحادی جماعتوں کے ساتھ سیٹوں کے تقسیم کا معاملہ حل ہو جائے گا۔
کانگریس کے قومی اقلیتی سیل کے صدر نے کہا کہ پارٹی کے منشور میں مسلمانوں کے مسائل پر توجہ دی جائے گی۔ مضبوط امیدواروں کو مناسب حصہ داری دی جائے گی۔ انہوں نے کہا کہ تیجسوی یادو اتحاد کے وزیراعلیٰ کے امیدوار ہو سکتے ہیں۔ تمام اتحادی جماعتوں کے ساتھ بیٹھ کر اس پر گفتگو ہوگی۔
کانگریس قومی اقلیتی سیل کے صدر ندیم جاوید نے خصوصی ملاقات میں ای ٹی وی بھارت اردو کی تعریف کرتے ہوئے کہا کہ اس برے دور میں بھی ای ٹی وی بھارت حزب مخالف کی آواز بلند کرتا ہے۔
انہوں نے کہا کہ ان کی پارٹی کا ماننا ہے کہ اقلیتوں میں خصوصی طور پر مسلمانوں میں نوجوان لیڈر سامنے آنے چاہیے۔ کانگریس نے یہ طے کیا ہے کہ پارٹی کے منشور میں مسلمانوں کے مسائل کے حل پر توجہ دی جائے گی۔
