ارریہ میں بھی یوم خواتین کے موقع پر ارریہ کورٹ واقع سمینار ہال میں خواتین کے اعزاز میں ایک تقریب کا اہتمام کیا گیا جس میں ضلع جج کے علاوہ دیگر شخصیات نے شرکت کی اور اپنے حلقے میں کارہائے انجام دینے والی طالبات و خواتین کو اعزاز سے نوازا گیا۔
اس موقع پر خواتین پرجوش نظر آئی، اب یہاں کی خواتین بھی تعلیم حاصل کر اس زینہ پر کھڑی ہو رہی ہے جہاں کسی زمانے میں اس زینہ سے نیچے ڈھکیل دیا جاتا تھا، سیاست، تعلیم، پرائیویٹ جاب، کھیل اور سرکاری نوکریوں میں بھی خواتین بڑھ چڑھ کر حصہ لیتی ہیں اور کامیابی حاصل کرتی ہیں، یہاں کی نوعمر لڑکیاں بنا کسی روک ٹوک کے تعلیم کے لیے گھروں سے نکلتی ہیں، علاوہ ازیں گھریلو کام کاج کا بوجھ بھی اٹھاتی ہیں اور دیگر ضروریات کو پوری کرتی ہیں۔ ٹیکنالوجی کے بڑھتے قدم سے قدم ملا کر خود کو کھڑا کرنا چاہتی ہیں۔
سماجی کاموں میں پیش پیش رہنے والی وارڈ کاؤنسلر لولی نواب کہتی ہیں دور جدید میں لڑکیوں میں خود اعتمادی کا جذبہ فروغ پایا ہے، اب خواتین بھی قدم سے قدم ملا کر ہر میدان میں سماج اور ملک کا نام روشن کر رہی ہیں۔ کھیل کود میں ضلع کا نام روشن کرنے والی طالبہ بتاتی ہیں وہ پڑھائی کے ساتھ کھیل میں اپنی مستقبل دیکھ رہی ہے۔ اور اس میں کامیابی حاصل کر رہی ہے۔
ارریہ کی مشہور گلوکارہ پلوی جوشی کہتی ہیں یہ ملک اب خواتین کی صلاحیت پر انحصار کرے گا، آج ہر حلقہ میں خواتین اپنی صلاحیت کے بل بوتے اپنی پہچان خود بنا رہی ہے۔ ہمیں خوشی ہوتی ہے جب اس طرح سے ہماری عزت افزائی کی جاتی ہے'۔
ضلع جج کے ہاتھوں مختلف حلقوں میں بہترین مظاہرہ کرنے والی 29 خواتین کو اعزاز سے نوازا گیا، اس موقع پر ضلع جج پیوش کمل دکشت نے کہا کہ آج کی خواتین بیدار مغز ہیں، انہیں اگر صحیح پلیٹ فارم ملے تو یہ ملک و خاندان کا نام روشن کرے گی۔ اس کی کئی مثالیں ہمارے سامنے موجود ہیں۔ کل ملا کر آج کی خواتین پہلے سے کہیں زیادہ پر اعتماد اور مضبوط ہوئی ہیں اب یہ حالات سے گھبرانے کے بجائے اس کے حل کرنے کی تدبیر اختیار کرتی ہیں۔
