تاہم پارٹی کے سینئر رہنما رکن قانون ساز کونسل غلام غوث نے دعویٰ کیا ہے کہ ان کی پارٹی کے لئے اب بھی عوام کے دل میں محبت قائم ہے۔
ریاستی اسمبلی انتخابات کے نتائج آ چکے ہیں۔
ایسا پہلی بار ہوا ہے کہ جب برسرِ اقتدار جماعت جے ڈی یو کے مسلم امیدواروں کا کھاتا بھی نہیں کھلا۔
نتیش کمار کے دوبارہ وزیراعلیٰ بننے کے بعد انہیں ایک مسلم منسٹر کی ضرورت محکمہ اقلیتی فلاح کے پیش آئے گی۔
مزید پڑھیں:نتیش کمار کل وزیر اعلیٰ کا حلف لیں گے
قوی امکان ہے کہ پارٹی کے سینئر مسلم رہنما رکن قانون ساز کونسل غلام غوث کو محکمہ اقلیتی فلاح وزارت کی کرسی مل سکتی ہے۔
جے ڈی یو کے رکن قانون ساز کونسل غلام غوث نے کہا کہ انکی پارٹی کو جتنی بھی سیٹیں ملی ہوں عوام کے دلوں میں اب بھی محبت قائم ہے۔
انہوں نے کہا کہ نتیش کمار کے لئے اس بار پہلے کے مقابلے میں زیادہ مسلمانوں نے ووٹ دیا ہے۔
انہوں نے کہا کہ نتیش کمار وزیراعلیٰ بنیں گے۔
جب ان سے وزیر بننے کے متعلق سوال کیا گیا تو انہوں نے اس کا کوئی واضح جواب نہیں دیا۔
