شتروگھن سنہا نے دعوی کیا کہ پٹنہ صاحب سیٹ پر ایک بار پھر وہ تاریخی کامیابی حاصل کریں گے۔
پٹنہ صاحب سے موجودہ رکن پارلیمان اور بی جے پی کے باغی رہنما شتروگھن سنہا کانگریس میں شامل ہونے کے بعد پہلی بار پٹنہ پہنچے۔
یہاں انہوں نے ایک اجلاس کو خطاب کرتے ہوئے کہا کہ ون مین شو اور ڈو مین آرمی کی حکومت سے اب عوام تنگ آ چکی ہے، لوگ تبدیلی چاہتے ہیں۔
ون مین شو ٹو مین آرمی سے لوگ تنگ آچکے ہیں انہوں نے کہا کہ اب لوگ روزگار، کاشتکار معاوضہ اور ملک میں فرقہ وارانہ ہم آہنگی کی فضا چاہتے ہیں۔انہوں نے کہا کہ میں نے کانگریس پارٹی بلا شرط جوائن کی ہے اب میں پیچھے مڑ کر نہیں دیکوں گا۔ میرا ماننا ہے کہ پورے ملک میں تبدیلی کی ہوا چلے گی۔ پورا ملک بدلے گا۔انہوں نے کہا اس ظلم و جبر والی حکومت سے نجات ملے گی۔ کانگریس اب ملک کو نئی راہ پر لے جائے گی۔انہوں نے کہا کہ جس پارٹی میں وہ تھے وہاں صرف چند لوگوں کی چلتی ہے۔شتروگھن سنہا نے کہا کہ میں نے ہمیشہ حق کی لڑائی لڑی ہے۔ سچ کہتا رہا ہوں اور اگر سچ کہنا بغاوت ہے تو سمجھو میں بھی باغی ہوں۔
